Xroniki böyrək xəstələrində ölüm və əlil qalma riski sağlam insanlarla müqayisədə 30 faiz çoxdur.

 

Aztibb.az xəbər verir ki, bu barədə nefroloq Barat Yusubov məlumat verib. 

 

 

Həkimin sözlərinə görə, bu ciddi xəstəliyinin ağırlaşmalarının qarşısının alınmasında müalicədən əvvəl profilaktikanın rolu böyükdür.

 

 

"İnfeksiya, qanaxma, səhv dərman müalicəsi, hətta tez-tez ağrıkəsici qəbulu, siqaret və spritli içki qəbulu ilə böyrəklərdə funksional pozulma yarana bilər. Xüsusilə şəkər xəstəliyi, yüksək qan təzyiqi, ürək-damar xəstəlikləri və piylənmə problemi olanlar, yaşlı insanlar və ailəsində böyrək xəstəliyi olanlar risk altında sayılır. Risk daşıyan insanların böyrək xəstəliklərini önləmələri üçün mütəmadi müayinə olunmaları mütləqdir" - deyə B.Yusubov bildirib.