Kimyəvi adı Askorbin turşusu olan C vitamini suda həll olan və insan orqanizmi üçün olduqca əhəmiyyətli vitamindir. Bu vitamin əsasən bitki mənşəli məhsullarda olur. İnsanın gündəlik C vitamini tələbatı 70-100 mq-dır. C vitamini toxumaların əmələ gəlməsi, eləcə də müxtəlif zədələrdən sonra orqanizmin sağalma prosesi üçün böyük əhəmiyyət kəsb edir.

 

 

AZtibb.az Kliniki Tibbi Mərkəzin məlumatına istinadla xəbər verir ki, insan orqanizmi təbii olaraq öz-özünə C vitamini istehsal etmədiyinə görə, onu qidalanma yolu ilə təbii mənbələrdən almaq lazımdır.

 

Portağal, limon, çiyələk, kivi, ananas, cəfəri, bibər kimi məhsullar C vitamini ilə zəngindir.

 

Orqanizmdə bu vitamin çatışmadıqda aşağıdakı əlamətlər özünü göstərir:

 

İmmun sistemi zəifləyir;

Yorğunluq və depressiya halları başlayır;

Diş ətində qanaxmalar olur;

Oynaq ağrıları əmələ gəlir;

Saçlar qırılır və tökülür;

Bədəndə göyərmə halları müşahidə edilir.

 

Yuxarıda sadalanan əlamətlərdən birini özünüzdə müşahidə etsəniz, həkimə müraciət etməyiniz məsləhətdir.