Həkim bildirib ki, araşdırma zamanı artıqçəkili (diabetli olmayan) 90 nəfərə xüsusi qidalanma rejimi tətbiq olunmuşdur. Belə ki, onlara səhər 7:00-dan 15:00-a qədər (cəmi 8 saat) qidalanma icazəsi verilmişdir. Bunu “erkən məhdud zamanlı qidalanma”- “early time restricted eating-eTRE” adlandırmışlar. Bunu xüsusi bir növ aralıqlı diet də hesab etmək olar. Pasiyentlərin çəkiləri, sistolik və diastolik təzyiqləri 12-14 həftə müşahidə olunmuşdur. Bu müddət ərzində həm çəkiləri azalmış və həm də təzyiqləri əhəmiyyətli dərəcədə normallaşmışdır.

 

Eyni zamanda pasientlərdə piylənmə səviyyələri də azalmışdır. Bununla da aralıqlı diet - “intermittent fasting” növlərinə yeni bir növü Erkən Məhdud Zamanlı Qidalanma - “Early Time Restricted Eating”də əlavə olunmuşdur. Araşdırma 8 avqustda JAMA Network Internal Medicine jurnalinda dərc olunmuşdur.