Uşaqlarda periodik qızdırma olan - Marşal sindromu/Necə müalicə olunur?  
10.08.2022 11:58
Övladınızda təkrarlanan (müntəzəm) temperatur yüksəlməsi (periodik qızdırma) müşahidə edirsinizsə, bu zaman bir çox xəstəliklərdən şübhələnmək olar. Bu xəstəliklərdən biri də PFAPA (Marşal) sindromudur.
 
Aztibb.az xəbər verir ki, pediatr-neanotoloq, tibb üzrə fəlsəfə doktoru Nurəngiz Hacıyeva bu sindrom haqqında maarifləndirici məlumat paylaşıb. 
 
Həkimin sözlərin görə, uşağa diaqnoz aşağıdakı 4 əlamətin birgə olması əsasında qoyulur.
 
- PF- Periodik Fever (periodik qızdırma) temperaturun 38-40 dərəcəyə kimi yüksəlməsi;
 
- A- Aphtous stomatit (aftoz stomatit) ağzın selikli qişasında yaralar;
 
- P- Pharingit (Faringit) damaq badamçıglarının iltihabı;
 
- A- Adenopathy (Adenopatiya) boyunətrafı limfa vezilərinin iltihabı, ağrısı, böyüməsi.
 
Bu sindrom uşaqların həyatının ilk 5 ilində qeyd edilir. 4-8 yaşdan sonra bu xəstəliyə adətən rast gəlinmir.
 
"Təəssüflə qeyd etmək istərdim ki, uşaqların bir çoxuna antibiotik təyin edilir və müalicə nəticə vermir. Antibiotik terapiya effektivsiz olur. Bu xəstəliyin müalicəsi Prednizalon (1-2) mg /kq təyin edilməsindən ibarətdir".