Hamiləliyin əsas diaqnostik göstəricisi menstrual gecikmədir. Lakin hər gecikmə də hamiləlik kimi qəbul edilməməli, yalnız qanda və ya sidikdə b-HCG hormonunun yüksəlməsi aşkar edildiği halda hamiləlik faktı təsdiq edilə bilər.

 

Aztibb.az xəbər verir ki, bu barədə Referans Poliklinik Mərdəkan və Nəsimi filiallarının ginekoloqu Mələk Qafarlı məlumat verib. 

 

"Menstrual gecikmədən təxminən 1 həftə sonra USM-də hamiləlik kisəsi, 2 həftə sonra isə ürək döyüntüsü olan embrion vizualizasiya edilir", - deyə M.Qafarlı bildirib. 

 

Həkim əlavə edib ki, ürəkbulanma, qusma, iştah və dad dəyişikliyi, süd vəzilərində həssaslıq, iylərə qarşı həssaslıq, baş gicəllənməsi, yorğunluq hissi, yuxululuq, tez-tez sidiyə getmə və s. hallar da hamiləlik şübhəsi doğura bilər.