Danimarkalı rejissor, "Oskar"a namizəd və "Qızıl Palma" mükafatı laureatı Lars fon Trierə parkinson xəstəliyi diaqnozu qoyulub.

Aztibb.az xarici KİV-ə istinadla xəbər verir ki, bu barədə rejissorun filmlərini istehsal edən Danimarka kino şirkəti “Zentropa” məlumat yayıb.

Bildiriblər ki, Trierin əhval-ruhiyyəsi yaxşıdır və xəstəliyin inkişaf etməməsi üçün müalicə alır. Qeyd olunub ki, rejissor avqustun sonlarında Venesiyada premyerası olacaq “The Kingdom Exodus” teleserialının son hissəsi üzərində işləməyə davam edəcək.