Artıq çəki problemi olan şəkər xəstələrinin böyrək çatışmazlığı ilə qarşılaşma ehtimalı daha çoxdur - Nefroloq
09.08.2022 16:21
Həddindən artıq çəki, piylənmə böyrək daxilindəki təzyiqi yüksəldir və qılcal damarlarda struktur pozğunluqlarına səbəb olur. Bu zaman, süzmə funksiyasını düzgün yerinə yetirə bilməyən böyrəklər sidikdən proteini normadan çox ifraz edir. Piylənmə eyni zamanda, şəkərli diabet və hipertenziyaya da (yüksək qan təzyiqi) yol açaraq böyrəklərə dolayı yolla zərər verir. Kənardan normal çəkidə görünən, lakin qan yağları yüksək olanların, başqa sözlə metabolik piylənməsi olan insanların da böyrəkləri risk altındadır.
 
Aztibb.az xəbər verir ki, bu fikirləri həkim-nefroloq Barat Yusubov bildirib. 
 
"Əgər artıq çəki problemi varsa, şəkər xəstəliyinin kontrolu bir o qədər çətinləşir. Piylənmədən qaynaqlanan şəkər xəstəliyinin ən təsirli və qalıcı müalicəsi piylənmə və metabolik cərrahiyyəsi ilə aparılır", - deyə həkim qeyd edib.
 
B.Yusubovun sözlərinə görə, metabolik cərrahiyyə həkim müayinəsi və göstərişindən sonra, tip 2 şəkərli diabet xəstələrində daha çox tətbiq olunur. Bu tip pasientlərdə metabolik cərrahiyyə şəkərli diabetin effektiv müalicəsidir: "Əlbəttə, pasiyentlər əməliyyat sonrası qidalanmalarına diqqət etməli və mütəmadi olaraq şəkərli diabet və böyrəklərlə bağlı müayinələri təxirə salmamalıdırlar.