Rəna Nurəli qızı Hacıyeva 01 avqust 1958-ci ildə Mingəçevir şəhərində anadan olub. 1983-1989-cu illərdə N.Nərimanov adına Azərbaycan Tibb İnstitutunun Pediatriya fakültəsində təhsil alıb. 1989-1990-cı illərdə Mingəçevir ŞMX-nın Terapiya şöbəsində internatura keçib.

 

O, 1990-cı ildə xəstəxananın Poliklinika şöbəsində həkim terapevt vəzifəsində əmək fəaliyyətinə başlayıb. 1995-ci ildə Mingəçevir Hərbi Hospitalında həkim terapevt, 1996-cı ildə Mingəçevir ŞMX-ın Poliklinika şöbəsində sahə həkimi işləyib. Rəna Hacıyeva 2017-ci ildən 1 saylı Ailə Sağlamlıq Mərkəzində ailə həkimi kimi fəaliyyətini davam etdirir.

 

Kifayət qədər təcrübəsi olmasına baxmayaraq, Rəna Hacıyeva mütəmadi olaraq kurslarda iştirak edir, tibbin yeniliklərilə yaxından maraqlanır.

 

Rəna həkim yalnız bir ailə həkimi deyil, eyni zamanda ailənin dostu, sirdaşıdır. O, 2500-3000 sakini olan bir ərazinin ailə həkimi olaraq, ona etibar edən hər kəsi diqqətdə saxlayır, səhhətini müalicə edir, dəyərli məsləhət və tövsiyyələrini verir, mütəmadi müayinə və müalicələrilə məşğul olur. Çünki ailə həkimi demək, ailənin bir üzvü deməkdir. Bir ailə üzvü kimi vətəndaşların qayğısına qalmaq ailə həkimlərinin vəzifə borcudır.