Aztibb.az xəbər verir ki, həkim endokrinoloq Fərhad Burzu bu barədə maarifləndirici məlumat paylaşıb. 

 

Həkimin sözlərinə görə, meyvə və tərəvəzlərin gündəlik qəbulu insanları depressiya əlamətlərindən uzaqlaşdırarkən, hazır (işlənmiş), polfabrikat duzlu qidaların təşviş və qayğı pozuntusunu artırdığı məlum olmuşdur. Tədqiqat zamanı İngiltərənin müxtəlif yerlərindən olan insanlara pəhriz vərdişləri, psixoloji sağlamlıq və gündəlik yaddaş (idrak) qabiliyyətini ölçən bir sıra sorğu vərəqələri verilərək 428 nəfər arasında sorğu keçirilmişdir.

 

İştirakçıların 53%-i qadın, 47%-i kişi olmaqla ortalama yaş həddi 39 olmuşdur. Sorğu iştirakçılarının heç birinin ciddi sağlamlıq problemləri və qida allergiyası olmamışdır. Tədqiqat zamanı meyvə və tərəvəzlər bir qrupa bişmiş, bir qrupa çiy, digər qrupa isə hazır (işlənmiş) duzlu qidalar verilmişdir. Nəticələrə əsasən, bişmiş halda meyvə və tərəvəzləri qəbul edən insanların psixoloji rifahında hər hansı müsbət dəyişiklik baş verməmişdir.

 

Çiy şəkildə meyvə və tərəvəzləri qəbul edən iştirakçılarda psixoloji rifah müsbət yöndə dəyişmiş, gündəlik yaddaş (idrak) qabiliyyəti artmışdır, depressiya və stres əlamətlərində azalma müşahidə edilmişdir.

 

Hazır (işlənmiş) duzlu qidaları qəbul edən insanlarda isə təşviş və qayğı (ankisyete) pozuntusu, gündəlik yaddaş (idrak) qabiliyyətində zəifləmə qeyd olunmuşdur.