Kolumbiyada yerləşən Missuri Universitetindən olan alimlər müəyyən ediblər ki, bağırsaqların iltihabi xəstəlikləri olan hamilə qadınlar və onların uşaqları  patologiyasız hamilələrlə müqayisədə, bir çox yüksək ağırlaşma riskləri ilə rastlaşırlar.

Aztibb.az medikforum.ru-ya istinadla xəbər verir ki, tədqiqatın müəllifləri 8 milyon hamilə qadının nəticələrini tədqiq ediblər.

Bağırsaqların iltihabi xəstəlikləri Kron və yaralı kolit kimi xəstəlikləri birləşdirən ümumi termindir. Bu xəstəliklər həzm yolunda xroniki iltihabi proseslərlə səciyyələnir. Onlara əsasən daha çox reproduktiv yaşda olan gənc insanlarda rast gəlinir.

Tədqiqatın müəllifləri xəstəliyin ana və bətndəki uşaq üçün təsirini araşdırıblar. 2016-dan 2018-ci ilə qədər 8 milyon hamilə qadının nəticələrinə baxılıb. 14 129 anada bağırsağın iltihabi xəstəliyinə rast gəlinib. Məlum olub ki, onların arasında diabet, doğumdan sonra qanaxmalar, hipertoniya ağırlaşmaları, vaxtından əvvəl doğuş, uşaqda böyümənin ləngiməsi və ya onun ölümünü ən yüksək tezliyi qeyd edilib.