Aztibb.az xəbər verir ki, pediatr-neanotoloq, tibb üzrə fəlsəfə doktoru Nurəngiz Hacıyeva valideynləri çox narahat edən bu hal barədə tövsiyələrini bölüşüb.

 

Həkim bildirib ki, uşağın qızdırması olanda sistem və iynə vurulmur:

 

"Yaxşı olardı ki, hər bir valideyn bu alqoritmi yadda saxlasın. Uşağın temperaturunu 38 dərəcədirsə, uşağın əynini nazik edin, pampersi açın. Maye verin. Aparılan tədbirlərə baxmayaraq temperatur 39 dərəcədirsə, Parasetamol (panadol, calpol, sefekon) qeyd edilən dozaya uyğun uşağa verin. 30 dəqiqə gözləyin. Təkrar doza qızdırmasalıcı verməyə tələsməyin. Temperatursalıcının effektivliyini hərarətin dərhal 36,6 C enməsi deyil, onun 1-2 C enməsi yaxşı əlamətdir. Yəni 1 saat ərzində 39 dərəcədən 38,8 düşməsi yaxşı haldır. 30 dəqiqədən sonra təkrar temperaturu ölçün, yenə 39 dərəcədirsə, İbuprofen (Nurofen, İbufen, Kendo və s.) bədən çəkisinə uyğun içirdin. Temperatur mütləq düşəcək. Əsas odur ki, uşağın temperaturu düşəndə əhvalı yaxşı olsun".

 

N.Hacıyeva onu da əlavə edib ki, parasetamol 5-10 mq/ kq hər 4-6 saatdan bir (sutka ərzində 75 mq çox olmaz) vermək olar. Təsir effekti 30-60 dəqiqəyə baş verir. İbuprofen istifadəsinə isə 6 aydan icazə verilir (8-10 mq/ kq, hər 6-8 saatdan bir).