Öskürək tənəffüs yollarının xəstəlikləri zamanı önəmli və ən sıx rast gəlinən simptomlarından biridir. Bu, valideynləri çox narahat edən və ən çox xəstəxanaya baş vurma səbəbidir. Uşaqda öskürək yaranan zaman əksər valideynlər həkimə "Hansı siropu məsləhət görürsünüz?" sualını verir.

Aztibb.az xəbər verir ki, həkim pediatr Nigar Süleymanova bu mövzuya toxunaraq diqqətə çatdırıb ki, öskürəyin səbəbini bilməmiş uşaqlara hər hansı siropu vermək olmaz. Bunun əks təsirləri çox olur.

"2 yaşa kimi uşaqlara bəlğəmgətirici siroplar heç məsləhət deyil. Allergik fonda olan öskürəklərə isə hər hansı sirop olmaz. Əgər uşaqda şiddətli öskürək varsa, mütləq pediatra müraciət etmək lazımdır".