Psixi Sağlamlıq Çətinlikləri üzrə Fəaliyyət Proqramı çərçivəsində təlim təşkil edilib
02.08.2022 10:53
Psixi Sağlamlıq Xidmətlərinin Münaqişədən Sonrakı Dövrdə Koordinasiyası və Transformasiyası layihəsi çərçivəsində ÜST-nin Ölkə ofisi tərəfindən Psixi Sağlamlıq Çətinlikləri üzrə Fəaliyyət Proqramı (mhGAP) əsasında təlimçilər üçün təlim təşkil edilib.
 
Açılış mərasimində Səhiyyə Nazirliyinin Psixi Sağlamlıq Mərkəzinin direktoru Fuad İsmayılov, TƏBİB-in İlkin səhiyyə xidmətinin təşkili şöbəsinin müdiri Nəhmət Rəhmanov və İxtisaslı tibbi yardım xidməti şöbəsinin mütəxəssisi Aygün Quluzadə iştirak edib.
 
Təlimdə klinik depressiya, post-travmatik stress pozuntusu və stress kimi psixi sağlamlıq pozuntuları haqqında, eləcə də yardım üçün müraciət edən şəxslərə düzgün yanaşmanın təməl prinsipləri barəsində sessiyalar yer alıb.