Aztibb.az xəbər verir ki, pediatr-neanotoloq Nurəngiz Hacıyeva bu virus xəstəliyi ilə bağlı bir çox məsələlərə aydınlıq gətirib.

 

Xəstəliyin gizli dövü 10-20 gündür və artıq bu dövrdən uşaq ətrafda olan həmyaşıdlarını yoluxdura bilər. Yəni, uşaqda səpki yaranmazdan öncə o, yoluxucu olur. Suçiçəyi keçirən xəstələr əlamətlər ortaya çıxmadan 2-3 gün əvvəl və suluqlar tam quruyub qabıqlanana qədər yoluxucudur.

 

 

- 1-3 gün müddətində hərarət, asqırma, öskürmə və digər respirator simptomlar şəklində olur.

- Sonra gövdədə daha çox, eyni zamanda başın tüklü hissəsində və ağız içində də ola bilər.

 

 

Əvvəlcə kiçikölçülü çəhrayı səpkilər şəklində olur. Daha sonra içi su ilə dolu qırmızı qabarcıqlara çevrilir. Bu qabarcıqlar qabıqlanaraq 24-48 saata tökülür və yerində yeniləri əmələ gəlir. Qabıqlar iz buraxmadan tökülür. Qaşıntılıdır. Qaşındığı təqdirdə iz buraxır. Odur ki, uşaqların dırnağını gündəlik kəsməliyik ki, yaranı intensiv qaşıyıb çapıq və infeksiyaya çevirməsin.

 

 

Virus infeksiyası olduğu üçün antibiotiklərlə müalicə edilmir. Yataq şəraiti, bol maye qəbulu tövsiyə edilir.

 

Tərləmək qaşıntını artırdığı üçün hər gün uşaq ilıq duş qəbul etməlidir.

 

Səpkilər hər gün xlorheksidin məhlulu ilə silinməlidir. Əsrlərlə valideynlərdən bizə streotip qalmış zelyenka ilə uşağı rəngləməyə ehtiyac yoxdur. Xəstəlik müddəti təxminən 7 gündür. 3 gün hərarət müşahidə edilir. Bu müddətdə hərarət salıcı kimi parasetamol, ibuprofen istifadə edilə bilər. Ümumiyyətlə infeksion xəstəliklər zamanı uşağın içdiyi dərmanları saxlamaq lazımdır. Qaşınma olarsa, desloradin  preparatını 5 ml olmaqla 1 dəfə içizdirmək olar.

 

"Aspirin istifadəsi suçiçəyi xəstəliyi dövründə ağır Rey sindromuna səbəb ola bilər. Qəti şəkildə istifadə edilməməlidir", - deyə həkim əlavə edib.