Son zamanlar uşaqlar arasında ishal geniş yayılıb.  Bu zaman valideynləri ən çox narahat edən məsələlərdən biri də uşaqların qidalandırılmasıdır.

Aztibb.az xəbər verir ki, bunu həkim pediatr Günay Rəsulova deyib. Həkim bildirib ki, ishal zamanı ən çox itirilən elektrolit, NaCl və kalium olduğuna görə, üzərinə duz çəkilmiş soyutma kartof ishal zamanı valideynin uşağa verə biləcəyi ən ideal qidadır.

"Belə ki, kartof kaliumla zəngindir və üzərinə du çəkərkən biz onu natrium və xlor elektroliti ilə təmin etmiş olduğumuza görə, ishal zamanı çox faydaldıır. Eyni zamanda banan kaliumla, turş süd məhsulları, süzmə, kefir, qatıq isə probiotiklə zəngin olan qida olduğuna görə ishal zamanı effektiv təsir göstərir".

Pediatr onu da əlavə edib ki, ishal zamanı uşaq çox su ititdiyinə görə, ona bol maye vermək, qızardılmış, yağlı, qovrulmuş soğanlı  yeməklərdən uzaq tutmaq lazımdır.