Tibbi Ərazi Bölmələrini İdarəetmə Birliyi (TƏBİB) Bakı Şəhəri Təcili və Təxirəsalınmaz Tibbi Yardım Stansiyasında aşağıdakı vəzifələr üzrə vakansiyalar elan edir:

∙ Təcili və təxirəsalınmaz tibbi yardım üzrə həkim
∙ Həkim-anestezioloq-reanimatoloq
∙ Həkim-psixiatr

Namizədlər aşağıdakı sənədləri ("scan" olunmuş forması) elektron poçt vasitəsilə təqdim etməlidir:

∙ Şəxsiyyətini təsdiq edən sənəd;
∙ Əsas (baza ali) tibb təhsili haqqında sənəd (diplom), xaricdə təhsil alımış namizədlərin ali tibbi təhsil sahəsində ixtisasları Azərbaycan Respublikasında ekvivalentliyi müəyyən edilməklə (nostrifikasiya olunmaqla);
∙ Xarici dövlətlərdə təhsil alan şəxslər üçün işə buraxılma haqqında şəhadətnamə (namizədin işə qəbulunun rəsmiləşdirilməsi zamanı tələb olunacaq);
∙ Sertifikasiya şəhadətnaməsi (sertifikasiyadan keçməkdən qanunvericiliklə nəzərdə tutulmuş azadolma halları istisna olmaqla);
∙ Seminar və konfranslarda iştirak etməni təsdiq edən sənəd (olduğu halda).

Müraciət qaydası:

∙ Vakansiyaya son müraciət tarixi: 31.08.2022-ci il;
∙ Göstərilən tələblərə cavab verən namizədlər nümunəvi formaya uyğun müraciət anketini (https://bit.ly/3NEBXCG) və tələb olunan sənədlərin nüsxələrini vacancy@tabib.gov.az ünvanına göndərilməlidir;
∙ Mövzu yerinə vəzifənin adı yazılmalıdır.

Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.