"Həkimlərimizi tanıyaq!" rubrikasında Sumqayıt Tibb Mərkəzinin 5 nömrəli Ailə Sağlamlıq Mərkəzinin (ASM) ailə həkimi, terapevt Səadət Şimdi haqqında məlumatları diqqətinizə çatdırırıq.

 

Səadət Şimdi 1976-cı ildə Sumqayıt şəhərində anadan olub. 1994-1996-cı illərdə Sumqayıt Tibb Məktəbində Müalicə işi fakültəsində oxuyub. 1995-1999-cu illərdə Bakı Dövlət Universitetinin Biologiya fakültəsində, 2004-2010-cu illərdə isə Azərbaycan Tibb Universitetinin Müalicə işi fakültəsində təhsil alıb. 2010-2011-ci illərdə 1 nömrəli Sumqayıt şəhər xəstəxanasının Terapiya şöbəsində internatura keçib.

 

O, 2006-2010-cu illərdə Bakı şəhər 5 saylı xəstəxananın Cərrahiyə şöbəsində işləyib. 2013-2022-ci illərdə Türkiyə Respublikasında müxtəlif xəstəxanalarda əmək fəaliyyətini həkim köməkçisi kimi davam etdirib.

 

Bir sıra beynəlxalq elmi konfransların iştirakçısı olan Səadət Şimdi 2022-ci ildən Sumqayıt Tibb Mərkəzinin 5 nömrəli Ailə Sağlamlıq Mərkəzində ailə həkimi, terapevt olaraq çalışır.