Tibbi Ərazi Bölmələrini İdarəetmə Birliyinin Sığorta fəaliyyətinin təşkilinə nəzarət şöbəsinin təşkilatçılığı ilə Sumqayıt Tibb Mərkəzində "Kəsinti meyarları üzərində müəssisələrin təhlili və səhvlərin aradan qaldırılması" mövzusunda təlim keçirilib.

Tədbirdə TƏBİB-in Sığorta fəaliyyətinin təşkilinə nəzarət şöbəsinin müdiri Qasım Əmrahlı, Koordinasiya şöbəsinin koordinatoru Rəna Hüseynova, struktur bölmələrin əməkdaşları Albina Hüseynova və Səbinə Ramazanova iştirak ediblər.

Qeyd edək ki, təlimin keçirilməsində məqsəd tibb müəssisələrində icbari tibbi sığorta fəaliyyəti çərçivəsində kəsinti faizinin azaldılması və müəssisələr arasında göndərişlərin rəsmiləşdirilməsinin optimallaşdırılmasıdır.

Keçirilən tədbirdə Mərkəzin tabeliyində olan tibb müəssisələrində fəaliyyət göstərən 100-dən çox qeydiyyatçı iştirak edib.