Vətəndaş müraciətlərinə baxılmasında, sənəd dövriyyəsinin təşkilində, ictimaiyyətlə əlaqələrin qurulmasında və hüquqi işlərin tənzimlənməsində səmərəliliyinin artırılması məqsədilə TƏBİB-in inzibati binasında tibb müəssisələrinin əməkdaşları üçün növbəti “Açıq qapı” günü keçirilib.

“Açıq qapı” günündə tibb müəssisələrinin əməkdaşları TƏBİB-in inzibati binası ilə tanış olub, onların müvafiq sahə üzrə məsul şəxslərlə görüşləri təşkil olunub, onları maraqlandıran məsələlər müzakirə edilib və müvafiq metodik tövsiyələr verilib.

Qeyd edək ki, “Açıq qapı” günləri TƏBİB tabeliyində olan bütün tibb müəssisələrini əhatə etməklə davamlı şəkildə təşkil olunacaqdır.