İyul ayının 16-sında akad. C.Abdullayev adına Elmi-Tədqiqat Kardiologiya İnstitutu tərəfindən Gədəbəy Rayon Mərkəzi Xəstəxanasında şəhid ailələrinin üzvləri və Vətən müharibəsi qaziləri üçün tibbi aksiya keçirilib.

Bu barədə Aztibb.az-a İnstitutun İctimaiyyətlə əlaqələr şöbəsi məlumat verib.

Bildirilib ki, aksiya zamanı Gədəbəy rayonunda yaşayan, qeyd edilən həssas kateqoriyalardan olan 100-dən çox vətəndaş kardioloji, endokrinoloji və nevroloji müayinələrdən keçib. Onlara EKQ, ExoKQ aparılıb.

Müayinələrin nəticələrinə əsasən xəstələrə müvafiq müalicə təyin edilib, digər patologiya aşkar olunan şəxslər isə ixtisaslaşmış tibb müəssisələrinə yönləndiriliblər.

Həmçinin tədbir çərçivəsində Gədəbəy Rayon Mərkəzi Xəstəxanasının həkimləri ilə elmi disskusiyalar aparılıb, perspektivlər müzakirə edilib.

Qeyd edək ki, tədbir "World Medicine" farmaseptik şirkətinin təşkilatçılığı ilə baş tutub.