Antibiotiklərin uzun müddət düzgün istifadə edilməməsi bağırsaq xərçənginə, dizbakterioza və digər problemlərə səbəb olur. Antibiotikləri yalnız həkim təyinatı ilə bakteriyalara qarşı həssaslığı yoxlayaraq qəbul etmək lazımdır.

Aztibb.az Səhiyyə Nazirliyinin rəsmi feysbuk səhifəsinə istinadla bildirir ki, antibiotiklərdən uzun müddət istifadə etmək orqanizmdə bir çox xəstəliklərə səbəb ola bilər. Antibiotiklərdən sui-istifadə hallarının gətirib çıxardığı təhlükəli vəziyyətlərdən biri də mikrobların antibiotiklərə qarşı rezistentliyidir. Həkim təyinatı olmadan antibiotiklərin istifadəsi təhlükəlidir.