- Artıq çəki olan insanlarda ürəyin iş yükü artır. Artıq çəki ürəyin işemik xəstəliyinə, stenokardiyaya və yüksək təzyiqə səbəb ola bilər;

- Çəkisi artıq olanlar tənəffüs pozğunluğundan (təngnəfəslik) əziyyət çəkdikləri üçün, bu, son nəticədə ağciyər və ürək çatmazlığına səbəb olur;

- Çəkisi artıq olan insanlarda aterosklerozun inkişaf etmə riski yüksək olur;

- Xolesterol səviyyəniz dəyişə bilər. Piylənmə pis xolesterol və trigliserid səviyyələrində sıçrayışlara səbəb ola bilər, HDL xolesterolunu da aşağı sala bilər. Nəticədə ürək xəstəliyi riski artar;

- Qan təzyiqinizin yüksəlməsinə səbəb ola bilər. Obez insanlar bədənlərini oksigen və qida maddələri ilə təmin etmək üçün daha çox qana ehtiyac duyurlar, nəticədə qan təzyiqi yüksəlir. Yüksək qan təzyiqi də infarktın ümumi səbəbidir;

- Piylənmə diabetə səbəb ola bilər. Obez insanların diabetə tutulma şansı daha yüksəkdir. 65 yaşdan yuxarı diabetli insanların ən azı 68 faizində ürək xəstəliyi də var.

 

"Əgər sizdə şəkərli diabet varsa, lakin hələ də ürək xəstəliyi diaqnozu qoyulmayıbsa, indi hərəkətə keçməyin vaxtıdır", - deyə, həkim əlavə edib.