Tibbi Ərazi Bölmələrini İdarəetmə Birliyi (TƏBİB) Tibbi təminat və koordinasiya departamentinin Biomedikal şöbəsinə koordinator vəzifəsi üzrə vakansiya elan edir.

TƏBİB üçün uyğun namizəd:

• Ali təhsil (Biotibbi texnologiya mühəndisliyi, Sənayenin təşkili və idarə olunması, Kompyuter sistemləri və proqramlaşdırma sahəsi üzrə);
• İxtisası üzrə ən azı 8 il iş təcrübəsi;
• Qanunvericilik üzrə biliklər - 28 oktyabr 1999-cu il tarixli 725-IQ nömrəli “Tibbi sığorta haqqında” Qanun və TƏBİB-in nizamnaməsi;
• Dil bilikləri (azərbaycan dili sərbəst, türk dili yaxşı, rus dili yaxşı və ingilis dili yaxşı);
• Kompyuter bilikləri - Microsoft Word – sərbəst, Microsoft Excel – sərbəst, Microsoft Powerpoint – sərbəst, Microsoft Outlook – sərbəst;
• Şəxsi keyfiyyət və bacarıqlara dair tələblər - profil üzrə geniş nəzəri və praktik biliyə sahib olması, dəqiqlik, problemi təhlil etmə bacarığı, təşəbbüskarlıq, analitik düşüncə və komanda işi;
•Tələb olunan sertifikatlar - Tibbi cihaz və avadanlıq üzrə təkmilləşmə (təlim) sertifikatı.

Vəzifə öhdəlikləri:

• Tibbi cihaz və avadanlıqların məlumat bazasının yaradılması, idarə edilməsi və yenilənməsinə nəzarət;
• Tibbi müəssisələrdəki tibbi avadanlıqların nasazlıqlarının, eləcə də tibbi cihaz və avadanlıq ehtiyaclarının toplanması, onların texniki xüsusiyyətlərinin çıxarılması, hesabatların çıxarılması;
•Cihaz və avadanlıqların dövrü texniki baxımlarının keçirilməsi və təşkili, nasazlıqların qarşısının alınması məqsədi ilə profilaktik texniki işlərin həyata keçirilməsi üçün planın hazırlanması;
•Tibb müəssisələrində işçi personalın peşəkarlıq səviyyələrinin yüksəldilməsi məqsədilə tibbi cihazların istismar, texniki təhlükəsizlik qaydalarına aid təlimlərin keçirilməsinin təşkili;
•Tibb müəssisələrində tibbi cihazlarda yaranan nasazlıqlara dair ehtiyat hissələrinin sifarişi və təqib edilməsinə nəzarət;
• Müqavilə əsasında fəaliyyət göstərən şirkətlərlə birgə işin koordinasiyası və işə nəzarətin həyata keçirilməsi;
• Tibbi cihazların təmiri, cihazların yerdəyişmələrinin təşkili, yeni istifadəyə verilən cihazların quraşdırılması, istismar müddətini bitirmiş və ya nasaz cihazların diaqnostikası, qüsur aktlarının çıxarılması, istismara yararsız avadanlığın istismardan çıxarılmasının təşkili;
•Şöbənin aylıq, rüblük və illik fəaliyyətini əks etdirən hesabatların hazırlanması.

Əlavə məlumatlar:

• İş qrafiki: Bazar ertəsi - Cümə, 5 günlük iş həftəsi;
• İş vaxtı: 09:00 – 18:00.

Müraciət qaydası:

• Vakansiyaya son müraciət tarixi: 25.07.2022-ci il;
• CV-lər vacancy@tabib.gov.az ünvanına göndərilməlidir;
• Göstərilən tələblərə cavab verən namizədlərdən nümunəvi formaya uyğun (https://bit.ly/3NEBXCG) CV-lərini mövzu yerinə “Tibbi təminat və koordinasiya departamentinin Biomedikal şöbəsinə koordinator” yazaraq göndərmələri xahiş olunur.