ABŞ-ın Florida ştatının Kənd Təsərrüfatı və İnsan Xidmətləri Departamenti təhlükəli ilbizin aşkarlanması ilə əlaqədar karantin elan edib.

Aztibb.az bu barədə www.usatoday.com-a istinadla xəbər verir. 

Bildirilir ki, Pasko dairəsinin sakinləri şəhərin küçələrində həm insanlara, həm də vəhşi təbiətə zərər verə biləcək nəhəng Afrika quru ilbizi aşkar ediblər. Mütəxəssislər əraziyə baxış keçirir və zəhərli yem çiləyirlər. Heyvan insanlarda menengitə səbəb ola bilən siçovul ağciyər qurdunun daşıyıcısıdır.

Mənbənin sözlərinə görə, ilbizlər ilk dəfə 1969-cu ildə aşkar edilib, 1975-ci ilə qədər isə məhv edilib. 2011-ci ildə elm adamları yenidən zərərvericilərlə qarşılaşıblar, lakin onları tamamilə məhv etmək mümkün olmayıb.