Amneziya yaddaş və xatirələrin itirilməsi halıdır.

 

Aztibb.az xəbər verir ki, amneziya müxtəlif formalarda müşahidə edilir.

 

Tam amneziya - yaddaş və xatirələrin tam itirilməsi halıdır.

 

Hissəvi amneziyada yaddaş tam itirilmir və bulanıq obrazlar, hadisələrin kiçik hissələri saxlanılır, lakin baş verən hadisələrin fəza-zaman ölçüsü unudulur.

 

Retroqrad amneziya – xəstəlikdən və ya travmadan əvvəlki xatirələrin unudulması ilə xarakterizə olunur.

 

Anteqrad amneziyada huşsuz vəziyyətdən ayılandan sonra hadisələrin yaddan çıxması baş verir.

 

Retard amneziyada xatirələr huşun itirilməsindən dərhal sonra deyil, müəyyən zaman keçəndən sonra itirilir.

 

Retroanteqrad forma isə bunların kombinasiyası şəklində təzahür edir.

 

İnsult, kəllə-beyin travması, herpetik ensefalit, intoksikasiyalar, metabolik ensefalopatiyalar, baş beynin degenerativ xəstəlikləri, şişləri, psixi xəstəliklər, epilepsiya və emosional şok amneziyaya səbəb ola bilər.