Fibromialgiya sindromu diffuz əzələ ağrıları və zəiflik ilə ortaya çıxan xroniki bir ağrı sindromudur. Ən əsas simptomu isə geniş yayılmış əzələ ağrılarıdır və insanların gündəlik həyat keyfiyyətinin əhəmiyyətli dərəcədə azalmasına səbəb olur. Digər simptomlarına da zəiflik, halsızlıq, yuxu pozğunluğu, iş vaxtının azalması, bağırsaq fəaliyyətinin pisləşməsi, səhər yuxudan yorğun oyanmaq, sərtlik və.s kimi misal göstərmək olar.

 

Tanınmış reabilitoloq, fizioterapevt, idman zədələri üzrə mütəxəssis, osteopat Pərvin Əkbərov bu barədə məlumat verərək  "Fibromialgiya və simptomları, diaqnozu nədir?" sualını cavablandırıb. Belə ki, xəstəliyin simptomları aşağıdakı kimidir:

 

-  18 trigger nöqtəsinin ən az 11-də ağrı;

-  3 aydan çox müddət ərzində geniş yayılmış bədən ağrısı;

-  Bədənin hər iki tərəfində ağrı, bütün bel boyunca ağrı, boyun-arxa-omba bölgəsindəki ağrı;

-  Xəstənin hekayəsində- travma, infeksiya, əməliyyat, stres.