Ümumdünya Səhiyyə Təşkilatı (ÜST) Azərbaycan İnfeksiyaların Profilaktikası və Nəzarət (İPN) sisteminin gücləndirilməsi və milli İPN proqramının yaradılması üçün ölkəyə aktiv dəstək olur.
ÜST-nin Azərbaycandakı nümayəndəliyinin rəsmi instaqram səhifəsində bildirilib ki, ÜST-nin Fövqəladə Hallar Proqramının Cənubi Qafqaz üzrə mərkəzi və Azərbaycan ölkə ofisi, Avropa İttifaqının (Aİ) maliyyələşdirdiyi və ÜST-nin həyata keçirdiyi Sağlamlıq üçün Həmrəylik Təşəbbüsü çərçivəsində İPN-nin əsas komponentləri üzrə qiymətləndirmə aparılaraq hesabat hazırlanıb. Azərbaycan Respublikası Səhiyyə Nazirinin əmri ilə yerli səhiyyə qurumları və institutlarının formalaşdırdığı İPN üzrə İşçi Qrupu təsis edilib. ÜST-nin texniki dəstəyi ilə İPN İşçi Qrupu ÜST-nin İnfeksiyaların Profilaktikası və Nəzarət və İnfeksiyaların Profilaktikasının Qiymətləndirilməsi Vasitəsinə Nəzarət (IPCAT2) alətləri əsasında özünüqiymətləndirmə prosesini başa çatdırıb. Nəticələrə əsasən, İPN üzrə Milli Strategiya hazırlanıb.