Ümumdünya Səhiyyə Təşkilatı (ÜST) dünyada təsdiqlənmiş meymunçiçəyinə yoluxma hallarının sayını açıqlayıb.

Aztibb.az xarici mətbuata istinadla xəbər verir ki, ilin əvvəlindən dünyanın 50 ölkəsində yoluxanların sayı 3,4 mini keçib. Bir yoluxmuş şəxs dünyasını dəyişib.

Ən çox yoluxma Avropa ölkələrində - 86 faiz qeydə alınıb. Eyni zamanda, bu yaxınlarda aşkar edildiyi ölkələrdə, əsasən, kişi cinsi xəstələnir.

Bundan əvvəl, ÜST-nin meymunçiçəyi ilə mübarizə komitəsi belə nəticəyə gəlmişdir k, xəstəliyin yayılma miqyası hazırda ictimai səhiyyədə beynəlxalq narahatlıq doğuran fövqəladə hal deyil.