İyunun 24-də Elmi-Tədqiqat Kardiologiya İnstitutunun Elmi Şurasının növbəti iclası keçirilib. 

Əvvəlcə institutun direktoru, professor Gülnaz Dadaşova şura üzvlərini gündəlikdəki məsələlər barədə məlumatlandırıb.

İclas zamanı ümumilikdə 6 elmi şöbənin hesabatları dinlənilib. Cari məsələlərin müzakirəsi zamanı beynәlxalq vә respublika səviyyəli elmi konfranslar barədə əsaslandırılmış layihələrin hazırlanması müzakirə olunub.

Elmi işlərin hazırlanması istiqamətində həyata keçirilən tədbirlərin keyfiyyətinin yüksəldilməsi, ölkəmizdə və xaricdə nüfuzlu dövri-elmi jurnallarda çap edilən elmi məqalələrin sayının artırılması və bu sahədə əldə olunan nailiyyətlər diqqətə çatdırılıb.

Tədbirdə müzakirə olunan məsələlər barədə müvafiq qərarlar qəbul edilib. Həmçinin irad və təkliflər səsləndirilib, görüləcək işlər və qarşıdakı hədəflərə dair tapşırıqlar verilib.

İclasa yekun vuran professor Gülnaz Dadaşova qarşıdan gələn 26 İyun - Silahlı Qüvvələr Günü münasibətilə Şura üzvlərini təbrik edərək xoş arzularını bildirib.