Bypass əməliyyatında ayaq damarı istifadəsi necə olmalıdır?
24.06.2022 15:04
Bypass əməliyyatı məqsədilə istifadə olunan damarlardan biri də ayaq venalarıdır. Bypass əməliyyatında xəstənin öz venasından istifadə qərarı verilərsə, topuq və qasıq arasında yerləşən böyük venadan istifadə edilir.
 
Aztibb.az xəbər verir ki, ürək-damar cərrahiyyə uzmanı Cabir Gülmalıyev bu barədə məlumat paylaşıb.
 
Həkim bildirib ki, Bypass-da ayaq damarı istifadə olunan pasiyentlərin xüsusilə 2 aya qədər diqqətli olmaları məsləhətdir:
 
"Ən önəmlisi anti-varikoz corablardır. Gün içərisində əgər çox ayaq üstə olursunuzsa, həmin gün mütləq corabı geyinməyiniz məsləhətdir. Bu corab ayaqda şişlik olmasının qarşısını alır. Hər gün duş qəbul etmək məsləhətdir. Duş sonrası ayaq yaralarının yaxşı qurulanması vacibdir".