Çaytikanının tərkibində dəri üçün çox sayda faydalı maddələr vardır. Bu meyvədən hazırlanmış krem bir çox xəstəliklərin müalicəsində effektivdir.

Həkim-fitoterapevt Fizuli Hüseynov bu mükəmməl krem haqqında məlumat verərək qeyd edib ki, çaytikanında zəngin karotinlər  (bədəndə A vitamininə çevrilən) E vitamini və minerallların demək olar ki, hamısı var. Bütün bu vitamin və mineral kompleksi dərimiz üçün həddindən çox faydalıdır.

"Krem dərinin demək olar ki, bütün problemlərində istifadə edilir - Ləkələr, sızanaqlar, dəri qırışları, günəş ləkələri, dəri quruluğu və s. Yağdan bəzi dəri xəstəliklərində də istifadə etmək olar. Məsələn, psoriaz, seboreya, ixtioz və ekzemalar. Çatikanı yağı dərinin qurumasının qarşısını alaraq, psoriaz və seboreyalarda dərinin tamlığını qoruyur, çatların əmələ gəlməsinin qarşısını alır. Kremi sifətə və bədənə çəkərək günəş altında uzanaraq dərinizi təravətləndirmək olar. Bu üsul həmdə dəri müqavimətini artıraraq dəridə papilloma və virusların əmələ gəlməsinin qarşısını alacaq. Kremdən uşaq bişməcələri və bişməcələrin əmələ gəlməsinin qarşısını almaq üçün istifadə etmək də faydalıdır".