Böyük Britaniyanın Sağlamlıq Təhlükəsizliyi Agentliyi (UKHSA) İngiltərədə aşkar edilən və sürətlə yayılmağa davam edən meymunçiçəyi virusunun yaratdığı yeni təhlükəni aşkarlayıb.

Aztibb.az xəbər  verir ki, mütəxəssislər meymunçiçəyi virusuna yoluxmuş xəstələrin 21 gün ərzində ev heyvanları ilə təmasda olmağını tövsiyə etmir. Böyük Britaniya hökuməti indiyə qədər heç bir heyvanda meymunçiçəyi virusunun aşkar edilmədiyini bildirib.

Dağsiçanı və digər gəmirici heyvanların xəstəliyə həssas olduğunu bildirən Uorvik Universitetinin professoru Lourens Yanq qeyd edib ki, “Narahatlıq ondan ibarətdir ki, virus heyvanlara ötürüldüyü zaman insanlar arasında yoluxma hallarının sayı arta bilər. Bu zaman heyvanlar virusun daşıyıcısı olacaq”.

Mütəxəssislər ev heyvanlarını baytar nəzarəti altında saxlamağın vacib olduğunu deyib.