Gündəlik istifadə etdiyimiz qidalar oynaqların vəziyyətində böyük rol oynayır. Müxtəlif məhsullar bu problemi daha da dərinləşdirmək və ya problemin simptomlarını yaxşılaşdırmaq imkanına malikdir.

Aztibb.az medikforum.ru-ya istinadla xəbər verir ki, bu barədə fitnes üzrə ekspert Nataliya Komova məlumat verib.

O, yağlı balıq ilə qidalanmanı oynaqlarda yaranan ağrılardan xilas olmaq üçün mükəmməl vasitə hesab edir.

N.Komova bildirib ki, qidalanmada qızılbalıq, siyənək, sardina, skumbriya, ançous kimi balığın tərkibindəki faydalı yağlardan geniş istifadə olunması artritin oynaqlarda iltihab və ağrı kimi simptomların azalmasına gətirib çıxarır.

Ekspertin sözlərinə görə, qeyd olunan balıq növləri güclü iltihabəleyhinə xüsusiyyətlərə malik omeqa-3 faydalı yağları ilə zəngindir.  Bir sıra tədqiqatlar göstərib ki, kifayət qədər  omeqa-3 istifadə edən insanlar iki iltihabi zülalın daha aşağı səviyyəsinə malikdirlər: C reaktiv zülal  və interleykin-6. Qanda bu iltihabi markerlərin artımı artriti olan insanlar tərəfindən hiss edilən simptomların pisləşməsinə səbəb olan amillərdir.