Tibbi Ərazi Bölmələrini İdarəetmə Birliyinin (TƏBİB) və Ümumdünya Səhiyyə Təşkilatının (ÜST) birgə təşkilatçılığı ilə “Sağlamlıq üçün həmrəylik təşəbbüsü” layihəsi çərçivəsində növbəti vebinar keçirilib.
“Uzunmüddətli COVID-19 - postkovid vəziyyət” mövzusunda keçirilən vebinar ÜST-ün konsultantı, Türkiyənin Koç Universitetinin Yoluxucu Xəstəliklər Mərkəzinin direktoru Dr. Öndər Ergönülün təqdimatında baş tutub.
Vebinarda TƏBİB-in məsul əməkdaşı Nahidə Mahmudova və tabelikdə olan tibb müəssisələrindən 300-ə yaxın ixtisaslı həkim iştirak edib. Görüşdə ÜST-ün “Reabilitasiyaya dəstək: COVID – 19 ilə bağlı xəstəlikdən sonra özünü idarəetmə” mövzusunda sənədin Azərbaycan dilinə tərcüməsi də təqdim olunub.
Sonda vebinar iştirakçılarını maraqlandıran suallar geniş müzakirə edilib.
