Mərkəzi Gömrük Hospitalının endokrinoloqu Naidə Novruzova “Həkim məsləhəti” rubrikasında “Qalxanvari vəzinin hansı xəstəlikləri var?" sualını cavablandırıb.

Həkim bildirib ki, qalxanvari vəzinin bir çox xəstəlikləri mövcuddur. Onların arasında ən çox yayılmışlar aşağıdakılardır:

Ur (Zob) - buna adətən yod çatışmayan bölgələrimizdə daha çox rast gəlinir, qalxanvari vəzinin ölçülərinin böyüməsi şəklində özünü göstərir. Bu, daha çox yayılmış xəstəlikdir.

Düyün – bu, qalxanvari vəzinin bir sahəsində hissəvi öz sərhədləri olan, digər vəzi toxumasından seçilən bir böyümənin olmasıdır.

Hipertireoz- vəzinin həddindən artıq hormon ifraz etməsi nəticəsində yaranan xəstəlikdir.

Hipotireoz- vəzinin işinin ləngiməsi və hormon ifrazının azalması nəticəsində yaranan xəstəlikdir.

Tireoidit – qalxanvari vəzinin iltihab halına verilən addır. Bunun da müxtəlif növləri mövcuddur.

Naidə Novruzova qeyd edib ki, Hospitalın Tibbi laboratoriyasında “Qalxanvari vəzinin yoxlanışı” profilindən istifadə etmək olar. Profilə Anti TG, T4 sərbəst, Anti TPO, T3 sərbəst, TSH, Tireoqlobulin müayinəsindən keçmək olar. “Qalxanvari vəzinin yoxlanışı” profilinin endirimli qiyməti 122 AZN təşkil edir.