Nevroloji sistemdə fəsadları göstərən simptomlar baş, onurğa, periferik sinir sisteminin problemlərindən asılı olaraq dəyişir.

Aztibb.az Gəncə Memorial Hospitala istinadən nevroloji sistemdə fəsadları göstərən 9 simptomu təqdim edir:

1. Uzun müddətli baş ağrıları. Ayda 3 və daha çox sayda baş ağrısı, dərmana tabe olmayan, huşa, diqqətə, danışığa belə təsir edən baş ağrıları sizi şübhələndirməlidir. Xüsusən 45-50 yaşdan sonra beyin qan dövranı pozulması, boyun ostexondrozu, təzyiq, insult, beyin şişləri riski artır. 
2. Bel, ayaq və qollarda ağrılar. Səbəbsiz yerə, qəfildən başlayıb, onurğada dəyişikliklər, protruziya, yırtıqlar, ostexondroz, iri oynaqlarda artroz, artrit bəzən yüngül ağrı ilə başlayır, sonra itir, bir neçə il sonra artıq kəskin mərhələdə özünü göstərir.
3. Baş gicəllənmə, qulaqlarda küy, yerişin dəyişməsi, səntirləmə. Bunlar vestibulyar aparatın pozulması kimi nevroloji haldan tutmuş ciddi Parkinson, Altsheymer, demensiya, ateroskleroz, baş beyin qan dövranı pozulması və onurğa xəstəliklərinin siqnalı ola bilər.
4. Bədəndə, ayaqlarda, kürəkdə yanma, gizilti hissi, iynə batırma, keyimə, uyuşma. Bu beyin və periferik sistemin işində problemdən qaynaqlanır.
5. Dad, qoxubilmə, görmə, eşitmənin zəifləməsi. Qəfildən, sürətlə başlayıbsa, təcili həkimə müraciət edilməlidir.
6. Qıcolmalar, bayılmalar, epileptik tutmalar. Tək-tək tutmalar epilepsiya, beyin şişləri, ürək-damar və ciddi nevroloji xəstəliklərdən xəbər verə bilər.
7. Yuxunun pozulması. Əgər siz 30-50 dəqiqə ərzində yuxuya gedə bilmirsizsə, sutkada 7 saat yatmırsızsa, gündüzlər daim yuxulu olursuzsa, yuxudan tez-tez oyanırsızsa bu nevroz, depressiya, qalxanvari vəz hormonal problemlər, nevroloji problemlər, Parkinson simptomu ola bilər.
8. Koqnitiv funksiyaların dəyişməsi. Danışıqda dəyişiklik, sözlərin aydın olmaması, yaddaşda pozulma, düşüncədə geriləmə, tormozlanma, başqalarının nitqini başa düşməmək- insult, skleroz, demensiya və digər patalogiyaların siqnalıdır.
9. Əhval-ruhiyyənin dəyişməsi, depressiya, gərginlik, panik atak. Mütləq endokrinoloq, nevroloq müayinəsindən keçmək lazımdır. Əgər ciddi nevroloji problemlər olmasa, psixiatr və psixoloq müalicəsi mütləqdir.