İyunun 16-da saat 14:30-da Milli Hematologiya və Transfuziologiya Mərkəzinin (MHTM) təşkilatçılığı ilə tibb bacıları və tibb qardaşlarının bilik və bacarıqlarının artırılması üçün nəzərdə tutulmuş vebinar keçiriləcək.

Aztibb.az xəbər verir ki, Zoom platforması üzərindən keçiriləcək vebinarda MHTM Talassemiya bölməsinin Baş tibb bacısı Zərgül Qasımovanın moderatorluğu ilə "Septik şok zamanı yardım və xəstələrə qulluq" və "Dərman preparatlarının (xüsusən antibiotiklərin) düzgün dozalanması, yeridilməsi və onlara qarşı həssaslıq" mövzuları müzakirə ediləcək.

Tədbirin məruzəçiləri tibb bacıları Xatirə Ağayeva və Aynur Məmmədovadır. 

Vebinarda iştirak üçün Milli Hematologiya və Transfuziologiya Mərkəzinin "Facebook" səhifəsində şərh bölməsinə, instagramda isə mesaj bölməsinə yaza bilərsiniz.