Akademik C.M.Abdullayev adına Elmi-Tədqiqat Kardiologiya İnstitutunda "Ürək çatışmazlığı məktəbi" mövzusunda növbəti tədbir keçirilib.

 

İnstitutun həkimlərinin və pasiyentlərin iştirak etdiyi iclasda professor Nazim Abdullayev "Xroniki ürək çatışmazlığı: səbəbləri, müalicə, profilaktika və reabilitasiyası" adlı məruzə ilə çıxış edib.

 

Məruzəçi ürək çatışmazlığına səbəb ola biləcək hadisələrin qarşısını ala bilməyin yollarından bəhs edib. Bildirib ki, ən yaxşı üsul xəstəlik yaranmadan onun qarşısını almaqdır. Əgər ürək çatışmazlığı yaranıbsa, ondan sonra yaşama müddətini və keyfiyyətini artıracaq və ölüm faizini azaldacaq profilaktika tədbirlərini görmək mütləqdir.

 

Məruzə ətrafında müzakirələr aparılıb, suallar cavablandırılıb.