Aztibb.az xəbər verir ki, bunu pediatr Tərlan Əyyubov deyib. Həkim valideynlərə vacib tövsiyələr verərək bildirib ki, uşaqları zorla yedizdirmək olmaz:

 

"Yemək cədvəli düzəldin, bu cədvəl kənarında yeməyən uşağa əlavə qidalar verməyin, imkan verin onlar aclığı hiss etsinlər. Uşağınız nəsə yesin deyə bütün günü arxasınca düşüb bundan imtina edirsə, "onu verək, ondan imtina edirsə, o birini verək" kimi bir üsul seçməyin. Əgər uşaq görürsə, istəmədiyi sağlam qidanı yemədikdə əvvəl-axır istədiyi qeyri-sağlam qidanı (makaron, şirniyyat, şirin sular, xəmir xörəkləri, yavan çörək, kartof və s.) verəcəksiniz, o istədiyini alana qədər dirənəcək və bu, bir refleksə çevriləcək.