Kanadanın Psixi Sağlamlıq və Narkomaniyanın Müalicə İşləri Naziri Karolin Bennett sağlamlıqla bağlı xəbərdarlıqların təkcə qutuların deyil, hər siqaretin üzərinə çap edilməsini təklif edib.

Aztibb.az-ın məlumatına görə, bu barədə "Reuters" agentliyi xəbər verib.

Nazir bildirib ki, mütəmadi siqaret çəkən kanadalıların 13%-i üçün siqaret qutularının üzərindəki xəbərdarlıq artıq köhnəlib:

"Ayrı-ayrı tütün məhsullarına sağlamlıqla bağlı xəbərdarlıqların əlavə edilməsi bu mühüm mesajların insanlara, o cümlədən gənclərə çatmasını təmin edəcək".

Agentlik qeyd edib ki, bu məsələ ilə bağlı 75 günlük ictimai məsləhətləşmələr iyunun 11-də başlayacaq. Bu, təklif olunan qaydaların hazırlanması üçün əsas olacaq.