Aztibb.az xəbər verir ki, bir həftə davam edən səfərin məqsədi Türkiyədə İSX sistemini müşahidə etmək və funksional inteqrasiya olunmuş ictimai səhiyyə və ilkin səhiyyə sistemi üçün Azərbaycanda tətbiq oluna biləcək strategiyaları öyrənməkdir.

 

Səfər zamanı Böyük İzmir Sağlamlıq Müdirliyi, Bayraklı İlçe Sağlamlıq Müdirliyi, Dokuz Eylül Universiteti Tibb Fakültəsinin Xalq Sağlamlığı və Ailə Təbabəti şöbələri, Universitetə bağlı İSX Təhsil, Araşdırma və Tətbiq Mərkəzi, bir şəhər və bir kənd Ailə Sağlamlığı Mərkəzlərinin nümayəndələri ilə görüşlər keçirilib və müzakirələr aparılıb.

 

Səhiyyə Nazirliyi, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyi (TƏBİB), Bakı Baş Səhiyyə İdarəsi, Əziz Əliyev adına Azərbaycan Dövlət Həkimləri Təkmilləşdirmə İnstitutu, bir sıra yerli tibb və sağlamlıq mərkəzlərinin nümayəndələrinin iştirakı ilə baş tutan səfərin hesabatı yerli səhiyyə qurumlarına təqdim olunacaq.

 

Qeyd edək ki, ÜST Azərbaycanda 2020-ci ilin mart ayından Şamaxı rayonunda İlkin Səhiyyə Xidmətlərinin (İSX) nümayiş layihəsini (PROACT-Care) həyata keçirir. “PROACT-Care” ilkin səhiyyə xidmətlərini gücləndirməklə Azərbaycanda COVID-19 pandemiyası kontekstində ölüm hallarının qarşısının alınması və təhlükəsiz səhiyyə mühitində həssas əhaliyə əsas səhiyyə xidmətlərinin göstərilməsini hədəfləyir.

 

Layihə Azərbaycan Səhiyyə Nazirliyi, İcbari Tibbi Sığorta üzrə Dövlət Agentliyi (İTSDA), Tibbi Ərazi Bölmələri İdarəetmə Birliyi (TƏBİB), Şamaxı Rayon İcra Hakimiyyəti, UNİCEF, BMT-nin Əhali Fondu və Heydər Əliyev Fondu ilə birgə həyata keçirilir. Layihənin əsas inkişaf tərəfdaşı USAID təşkilatıdır.