Aztibb.az xəbər verir ki, bu barədə Kliniki Tibbi Mərkəzin tabeliyindəki 5 nömrəli Kliniki Doğum Evinin Reanimasiya və intensiv terapiya şöbəsinin müdiri Mehriban Həşimzadə məlumat verib.

 

Həkimin sözlərinə görə, xüsusilə hamiləliyin 3 ayı çox önəmlidir. Bu dövrdə ananın məxmərək kimi infeksion xəstəliklərə tutulması, siqaret, narkotik vasitələrdən istifadə etməsi, rentgen şüası alması və ya nəzarətsiz dərman qəbul etməsi təhlükəlidir.

 

"Anadangəlmə ürək qüsurlarının sadalanan konkret hansı səbəblə bağlılığını müəyyən etmək çətindir. Lakin hamiləliyin təxminən 4-cü ayından etibarən bəzi ürək qüsurlarını uşaq kardioloqları fetal exokardioqrafiya üsulu ilə müəyyən edə bilirlər. Elə ana bətnindəcə bu qüsurun müalicəsinə başlamaq olur. Körpədə çox ağır anadangəlmə ürək qüsuru aşkar edilərsə, valideynlərin razılığı ilə hamiləlik sonlandırıla bilər. Bu halda proses qanun çərçivəsində, xəstəxananın həkim komissiyasının qərarı və ailənin icazəsi ilə diaqnoz dəqiqləşdirildikdən sonra mümkündür".

 

M.Həşimzadə bildirib ki, ürək qüsurlarının aşkar edilməsi, doğru diaqnoz qoyularaq müalicə edilməsi üçün uşaq kardioloqlarına müraciət etmək vacibdir.