"Temperatur 38 dərəcə və yuxarıdırsa, temperatur salan parasetamol tərkibli sirop və ya tabletdən həkimin məsləhəti ilə qəbul edilə bilər".

Aztibb.az xəbər verir ki, həkim pediatr Nigar Süleymanova "Körpələrə və uşaqlara temperatur salıcı dərmanlar nə zaman təyin edilməlidir?" sualını cavablandərarkən belə deyib.

Həkim bildirib ki, dərman verdikdən sonra temperatur 2 saat ərzində bir dərəcə də olsa düşməlidir:

"Temperatursalıcı dərmanların təsir müddəti 4-6 saatdır. 3,5-4 saat sonra temperatur yenidən yüksəlirsə, təkrar parasetamol tərkibli dərman qəbul edilə bilər. Əgər temperatur 39-40 dərəcədən heç düşmürsə, mütləq araşdırılmalıdır".