Ürək sağlamlığına mənfi təsir göstərən xəstəliklər - Uzman həkim - aztibb.az AZƏRBAYCANIN SƏHİYYƏ XƏBƏR PORTALI

Ürək sağlamlığına mənfi təsir göstərən xəstəliklər - Uzman həkim

08.06.2022 14:27

Nizamsız qidalanma və oturaq həyatdan əlavə şəkərli diabet, Xronik Obstruktiv Ağciyər Xəstəliyi (XOAX), yüksək təzyiq, piylənmə, qalxanabənzər vəzi və podaqra kimi xəstəliklər də ürəyə mənfi təsir göstərir.

Aztibb.az xəbər verir ki, ürək-damar cərrahiyyə uzmanı Cabir Gülmalıyev şəkərli diabetin əslində damar xəstəliyi olduğunu deyib.

O, bildirib ki, diabet nəticəsində damar divarlarının daralması qan axınını azaldır. Böyük güclə işləyən ürək əzələsi lazımi qanı vena vasitəsilə ala bilmədikdə zədələnir və gücü azalır.

XOAX tək ağciyəri deyil ürəyinizi də nəfəssiz qoya bilər.

XOAX və ürək çatışmazlığı bir-birini tətikləyə bilər. XOAX xəstələrinin ağciyərlərində həddindən artıq hava tutulması olduqda, döş qəfəsindəki əzələlər nəfəs almada iştirak etməli olurlar. Nəfəs almada belə yüksək enerji istehlakı yaşandığı üçün ciddi əzələ gücü itkisi inkişaf edir.

Yüksək təzyiq ürək damarlarınızı zədələyir.

Yüksək təzyiqin yaratdığı təsir ilə damar çəpərindəki duz əzələ hüceyrə sayı artır. Bu əzələlərin artması və qalınlaşması damar elastikliyini pozur, kirəcləşmə və ateroskleroza gətirib çıxarır.

Piylənmə. Qeyri-sağlam qidalanma nəticəsində alınan çəki pis (LDL) xolesterinin damar divarında yığılmasına səbəb olur. Bədəndəki yağların çoxu trigliseridlər şəklində saxlanılır. Uzun müddətdə trigliserid nisbətinin artması ateroskleroz və laxtalanma riskini də artırır.

Qalxanabənzər vəzinin lazım olduğundan daha çox hormon ifraz etdiyi hipertiroidizm vəziyyətində ürəkdə ritm pozuntuları və ürək döyüntüsü kimi problemlər yaranır.

Podaqra zamanı qandakı yüksək sidik turşusu damarların daxili səthinin strukturunu pozur. Damar divarlarının sərtləşməsini sürətləndirən podaqra xəstəliyi infarkt üçün şərait yarada bilər.