Həkim bildirib ki, zob xəstəliyinin əlamətləri qalxanabənzər vəz funksiyasının artıb və ya azalmasına bağlı olaraq fərqlənir.

 

Onun sözlərinə görə, hipotireoz: halsızlıq, tez yorulma, yuxululuq, depressiv hal, süstlük, soyuğa dözümsüzlük, əllərdə və ayaqlarda ödəm, tərləmənin azalması, səsin qalınlaşması, kilo alma, saç tökülməsi, yaddaşsızlıq və dəridə quruluq kimi əlamətlərlə özünü göstərir. Hipertireozə isə həddən artıq tərləmə, iştahanın artmasına baxmayaraq çəki itkisi, ürəkdöyünmə, arterial təzyiqin yüksəlməsi, əsəbilik, isti və nəmli dəri, istiyə dözümsüzlük, əllərdə titrəmə, saçın qırılıb tökülməsi, gözlərdə bərəlmə, yuxusuzluq, ağlağanlıq və səbirsizlik kimi əlamətlərlə özünü biruzə verir.

 

Şəbnəm Əlirzayeva vətəndaşlara ailədə qalxanabənzər vəz xəstəliklərinə irsi meyillik varsa, ilk növbədə həkim müayinəsindən keçməyi tövsiyə edib.