Elmi-Tədqiqat Tibbi Bərpa İnstitutunun (ETTBİ) Artrologiya şöbəsinin müdiri, t.ü.f.d Sevinc Kərimovanın 70 illik yubileyi münasibətilə tədbir keçirilib.

İnstitutun rəhbərliyi yubilyarı təbrik edərək onun ünvanına xoş sözlər çatdırıblar.

Bildirilib ki, Sevinc xanım 1986-cı ildən Elmi-Tədqiqat Tibbi Bərpa İnstitutunda çalışır. Alimin əsas elmi fəaliyyət istiqamətlərini revmotoloji və artroloji xəstəliklərin müalicəsində naftalan neftinin və digər fiziki üsulların təsir mexanizminin işlənib hazırlanması təşkil edir.

Qeyd olunub ki, S.Kərimova bacarıqlı həkim və peşəkae elmi işçi kimi, yüksək insani keyfiyyətləri ilə bu illər ərzində kollektivin dərin hörmətini qazanmışdır. O, üzərinə düşən bütün öhdəlikləri bacarıqla, layiqincə yerinə yetirmişdir.

Sonda yubilyara Təşəkkürnamə təqdim olunub.