Sumqayıt Tibb Mərkəzinin tabeliyində olan 1 nömrəli şəhər xəstəxanasının poliklinika şöbəsində “Meymunçiçəyi virusu və onun əlamətləri” mövzusunda maarifləndirici seminar keçirilib.

 

Aztibb.az xəbər verir ki, seminarda mövzuyla bağlı poliklinika şöbəsinin dermatoveneroloqu Asif Yaqubov təqdimatla çıxış edib.

 

Təqdimatda “Meymunçiçəyi” virusu haqqında seminar iştirakçılarına ətraflı məlumat verilib. Virusu yaradan səbəblərdən, əlamətlərindən və mübarizə üsullarından bəhs edilib.

 

Qarşılıqlı fikir mübadiləsi şəraitində keçən seminarda həkimləri maraqlandıran suallar cavablandırılıb.

 

Qeyd edək ki, seminarda 1 nömrəli şəhər xəstəxanasının baş həkimi Mətləb Musayev də iştirak edib.