1-2 iyun 2022-ci il tarixlərində “Süni intellekt əsrində tibb hüququ” adlı beynəlxalq tibb hüququ konfransı keçirilib. Elmi-Tədqiqat Tibbi Profilaktika İnstitutunun Ümumi şöbəsinin hüquqşünası Dəniz Quliyeva tədbirdə iştirak edib.

 

Bu barədə Aztibb.az-a institutdan məlumat verilib.

 

Bildirilib ki, konfransda professor Aytən Mustafazadə, peşəkar vəkil Adəm Məmmədov, türkiyəli vəkillər Sahra Tucel, Devrim Nur Kayabalı və digərləri iştirak ediblər.

 

Tədbirin keçirilməsində əsas məqsəd Azərbaycanda hüququn yeni sahəsi olan tibb hüququ sahəsinin inkişafı üçün addımlar atmaq, tibb müəssilərində pasiyent hüquqlarının qorunması, eləcə də müəssisənin mənafelərinin qorunması sahəsində mövcud problemlərin araşdırılması və aradan qaldırılması üçün təkliflərin hazırlanması olub.

 

Konfransda maraqlı müzakirələr və sual-cavablar baş tutub.

 

Sonda iştirakçılara sertifikatlar təqdim olunub.