Aztibb.az xəbər verir ki, pediatr-neanotoloq Nurəngiz Hacıyeva növbəti paylaşımında olduqca aktual olan bir mövzudan - uşaqlarda qorxunu yaradan səbəblərdən danışıb. 

 

Həkimin sözlərinə görə, uşaq yaşlarında qorxu yaradan səbəbləri aşağıdakı kimi qruplaşdırmaq olar.

 

-1 yaşa qədər tək qalanda, tanımadığı insanlar görəndə, yad mühitə düşəndə güvənsizlikdən qorxu hissi yaranır.

- 2-3 yaşlardan etibarən uşaq ətraf mühitlə tanış olmağa başlayır. Uşaqların öyrənib, inkişaf etdiyi bu dönəmlərdə valideynlərin aşırı qayğı, həyəcan dolu baxışları, ucadan qışqırığı uşağı nədənsə qorunmağa alışdırır. Qorxu hissi güclü olduğu üçün, uşaqların istədiklərini əvvəlki kimi həvəslə və sərbəst öyrənə bilməməsinə gətirib çıxardır.

- 3-6 yaş arası əsasən xəyali qorxular olur. Göy gurultusu, qaranlıq, kölgələr və s. Bu qorxuları uşaqların yaşamaqları normaldı. Valideyinlərin düzgün yanaşması nəticəsində zamanla keçir.

 

 

- Ətraf mühitdə rastlaşdığı hər hansısa bir hadisə.

- Ailədaxili münaqişələr.

- Yaxınlarını itirmə qorxusu.

- Tək qalmaq.

- Nağıl qəhrəmanları, personajlar.

 

 

- Heyvanlar

- Ölüm

- Qəza

- İnsanlar

 

 

- İctimai qorxular.

- Cəmiyyət içərisində yaşananlar.

- İnsanlar tərəfindən düzgün qarşılanmamaq.

- İmtahan qorxusu.

- İtirmə qorxusu.

 

 

1. Həddindən artıq qayğı

2. Həddən artıq nəzarət etmək

3. Aqressiv münasibətlər

4. Şiddət

5. Ailədaxili münaqişələr.

6. Yanlış cümlələr - məsələn, "Dəcəllik etsən, polis gəlib aparacaq", " Ağlasan, həkim iynə vuracaq", "İt gəldi, xoxan gəldi" və s.

 

"Həkim və polislə uşağı qəti qorxutmaq olmaz. Hardasa itən zaman, başına pis hadisə gələn zaman polisdən kömək etməli olduğu halda, əksinə sizin cümlələrin təsiri nəticəsində qorxub qaçacaq.

 

Xəstələndiyi zaman həkimə apardığınız an uşaq daha çox gərgin, həyəcanlı anlar yaşayıb, travmalar yaşayacaq", - deyə həkim əlavə edib.