Aztibb.az xəbər verir ki, bu barədə İctimai Televiziyada yayımlanan “Sabaha saxlamayaq” verilişində ATU-nun Tədris Terapevtik Klinikasının TTK Qəbul və TTY şöbəsinin müdiri Cavanşir Məhərrəmov məlumat verib.

 

Həkim bildirib ki, yeni yoluxma hallarının və aktiv xəstələrin sayında azalma müşahidə olunur və koronavirus özü də artıq zəifləyib. Hazırkı vəziyyətdə COVID-19 infeksiyasına görə epidemioloji durumu sabit qiymətləndirmək olar.

 

"Yoluxma sayı 10-nun altına düşüb. Lakin yoluxma sayının azlığı bizi arxayınlaşdırmamalıdır. Bu, hər şeyin tam bitdiyi anlamına gəlmir.

 

Dünya ölkələrinin basqısı, təzyiqi səbəbindən karantin yumşalmaları oldu, maska tələbi ləğv edildi. Amma biz kütləvi sıx yerlərdə yenə də maskadan istifadə etməli, diqqətli olmalı və özümüzü qorumalıyıq.  Ən azı yaxın 1 il üçün təhlükə var”, - deyə Cavanşir Məhərrəmov əlavə edib.